Telangana - History, Culture & Literature / తెలంగాణ చరిత్ర, సంస్కృతి, సాహిత్యం

ఆచార్య చింతకింది కాశీం ప్రముఖ విద్యావేత్త. తెలుగు ఆచార్యుడు. ఆయన 01 జనవరి, 1977లో ఉమ్మడి మహబూబ్నగర్ జిల్లా, తెలంగాణలో జన్మించారు. 2009లో "ప్రపంచీకరణ సాహిత్యం" మీద పరిశోధన చేసిన మొట్టమొదటి తెలుగు పరిశోధకుడు ఆచార్య చింతకింది కాశీం. తెలుగు శాఖ ఉస్మానియా విశ్వవిద్యాలయంలో సీనియర్ ఆచార్యులుగా పనిచేస్తున్నారు. ప్రస్తుతం ఆయన ఆర్ట్స్ కళాశాల, ఉస్మానియా విశ్వవిద్యాలయం ప్రిన్సిపల్ గా బాధ్యతలు నిర్వహిస్తున్నారు. గతంలో తెలంగాణ సారస్వత పరిషత్తుకు ప్రిన్సిపల్ గా పనిచేశాడు. ఆయన ఉస్మానియా విశ్వవిద్యాలయం తెలుగు పాఠ్య ప్రణాళిక సంఘం చైర్ పర్సన్ గా, తెలుగు శాఖ అధ్యక్షుడిగా పనిచేసాడు. ఉన్నత విద్యామండలి, తెలంగాణ ప్రభుత్వం అభినందనలు తెలుపుతూ ఇచ్చిన గుర్తింపు పత్రం ప్రిన్సిపాల్ గా ప్రొఫెసర్ కాశీం సేవలకు, పాలనాదక్షతకు గుర్తింపుగా విద్యావేత్తలు అభివర్ణించారు. వివిధ విశ్వవిద్యాలయాల్లో పాఠ్య ప్రణాళిక సంఘం సభ్యులుగా కొనసాగుతున్నారు.

యు.జి.సి గుర్తింపు పొందిన జాతీయ సదస్సులకు కన్వీనర్ గా బాధ్యతలను నిర్వహించారు. యు.జి.సి& ఎం.హెచ్.ఆర్.డి., తెలుగు శాఖ సంయుక్తంగా నిర్వహించిన రిఫ్రెషర్ కోర్సులకు కన్వీనర్ గా ఉన్నారు. ముఖ్యంగా, ఆయన తెలుగుకు ఒక లిటరరీ కాంగ్రెస్ ఉండాలనే ఆలోచనతో "తెలుగు లెటరరీ కాంగ్రెస్-2024" పేరుతో మూడు రోజులపాటు ఉస్మానియా విశ్వవిద్యాలయంలో సదస్సును కన్వీనర్ గా ఉండి నిర్వహించాడు. ఇది తెలుగులో ఒక వినూత్న ప్రయోగం.

ప్రొఫెసర్ చింతకింది కాశీం 20 సంవత్సరాల అధ్యాపక జీవితంలో జాతీయ, అంతర్జాతీయ సదస్సుల్లో దాదాపు 30 పరిశోధన పత్రాలను సమర్పించారు. ఆయన పర్యవేక్షణలో 9 పీహెచ్డీ పరిశోధనలు జరిగాయి. యూజీసీ గుర్తింపు పొందిన వివిధ డిగ్రీ కళాశాలల్లో, విశ్వవిద్యాలయాల్లో అతిథి ప్రసంగాలు ఇచ్చారు.

ప్రొఫెసర్ చింతకింది కాశీం ఇప్పటివరకు విద్యారంగం, సాహిత్య రంగం, సామాజిక రంగం మీద 13 పుస్తకాలను ప్రచురించారు. 7 పుస్తకాలకు సంపాదకుడిగా వ్యవహరించారు. యూజీసీ కేర్ లిస్టెడ్ జర్నల్ "నడుస్తున్న తెలంగాణ" మాస పత్రికను 2010లో ప్రారంభించి, ప్రధాన సంపాదకులుగా కొనసాగుతున్నారు. ఇప్పటివరకు 40 పరిశోధన పత్రాలను ముద్రించారు. ఆయన కోఆర్డినేటర్ గా రూపొందిస్తోన్న "తెలంగాణ చరిత్ర, సంస్కృతి, సాహిత్యం" తెలుగులో తొలి మూక్స్ కోర్స్ కావడం గమనార్హం.